Wasiirka Warfaafinta Dowlada Federalka Soomaaliya C/raxmaan Cumar Cusmaan Eng. Yariisow ayaa faah faahin dheeraad ah ka bixiyay weerar shalay ciidamo ka tirsan milatariga Soomaaliya ku qaadeen Guriga Senator Cabdi Xasan Cawaale Qeybdiid.
Waxa uu sheegay Wasiirka in Dowlada Soomaaliya ay si deg deg ah uga falcelisay weerarka lagu qaaday Guriga Senataro Cabdi Qeybdiid, waxaa uuna xusay in la xiray ciidamadii Gurigaasi weerarka ku galay.
Wasiirka ayaa sheegay in la bilaabay baaritaano deg deg ah oo ku aadan weerarkaasi iyo cidii ka dambeysa, waxa uuna tilmaamay in gacanta lagu hayo baarisna ku socoto saraakiil iyo ciidamo weerrakaasi la tuhmayo in ay ka dambeeyeen .
Wasiirka Warfaafinta Soomaaliya ayaa sheegay in shacabka Soomaaliyeed ay la wadaagi doonaan xogta iyo natiijada kasoo baxda baaritaanka lagu sameenayo weerarkii lagu qaaday Guriga Senator Cabdi Qeybdiid.