Dagaallo u dhexeeya ciidamada xoogga dalka iyo kuwa dowlad goboleedka Jubbaland oo isku dhinac ah iyo Al-shabaab ayaa saaka markale dib uga qarxay deegaanka Baar-Zanguuni oo qiyaastii 50 km dhanka waqooyi kaga beegan Kismaayo.
Maleeyshiyaadka Al-shabaab ayaa xalay weerar xooggan ku qaaday deegaanka Baar-Zanguuni oo dhawaan lagala wareegay, waxaana u suura gashay in deegaankaasi ay la wareegaan kadib markii ay ka baxeen ciidamadii ku sugnaa.
Sarkaal ka tirsan ciidanka xoogga dalka oo codsaday in aan magaciisa xigan ayaa warbaahinta u sheegay in ciidamadu ay saaka dib u weerareen deegaanka.
Deegaankan ayay 08-dii bishan Juun ciidamada xoogga dalka iyo kuwa Jubbaland iyo ciidamo Mareeykan ah kala wareegeen Al-shabaab.