Dagaal culus ayaa la sheegay inuu xaley fiidkii ka dhacay degaanka Siinka-dheer ee duleedka magaalada Muqdisho, kadib markii ay weerar ku qaaday kooxda Al-shabaab saldhig ay halkaasi ku laaheeyen ciidamada dowladda.
Weerarka ayaa la sheegay inuu ahaa mid culus oo kooxda Alshabab ay ku ekeeyeen Barta koontaroolka ee ciidamada NISA ku leeyihiin degaankaasi Siinka dheer oo ah halka laga soo galo magaalada Muqdisho.
Dagaalkan ayaa la sheegey in uu socdey mudo 50 daqiiqo ah baalse weli lama oga qasaaraha dhabta ah ee uu dagaalkan dheliyey
Ciidamada dowladda ee NISA ayaa sheegay inay iska difaceen weerarka Alshabaab, waxaana la soo weriyey in qasaare uu soo kala gaaray labada dhinac, sida ay sheegeen saraakiisha amniga oo ka gaabsaday inay faahfaahin ka bixiyaan dagaalka.