Darawalada gadiidka Mooto Bajaajka ayaa maanta bananbax aad u balaaran ka dhigey Isgoyska KM4 ee magaalada Muqdisho ayagoo cabasho ah, waxaana dibedbaxani uu hakad ku keenay isku socodka dadka iyo gadiidka waddada Maka Al-Mukarama.
Ciidamada Amaanka oo isku dayaya in ay kala ceyriyaan dibedbaxayaasha ayaa bilaabay in ay rasaas circa u ridaan iyaga oo ku cabsi galinaya ka qeybgalayaasha dibedbaxa.
Qaar ka mid ah ka qeybgalayaasha dibedbax ayaa warbaahinta u sheegay in ay ka cabanayaan jidadka xiran, isla markaana uu weli shaqeyn la’yahay amarkii Madaxweyne Farmaajo ee ahaa in waddooyinka la furan.
Inta badan jidadka magaalada Muqdisho ayaa malmihii ugu danbeeyayba xirnaa, iyadoo dhinaca kalana marka la eego dadka reer Muqdisho u diyaar-garoobayaan munaasabada Ciddu-Fidriga.