Wararka aynu ka heleyno Deegaanka Baar-sanguni ee gobolka Jubbada Hoose ayaa sheegaya in dagaalyahano ka tirsn Shabaab ay saakay aroortii weerar abaabulan kusoo qaadeen fariisimo ciidamada Jubbaland ay deegaankaasi ku leeyihiin.
Wararka ayaa intaasi ku daraya in dagaalyahanada shabaab ee weerarkaani gaadmada ah soo qaaday ay isku qeybiyeen dhowr jiho iyagoo ujeedkoodu ahaa in ay jahwareeriyaan ciidamada ay weerareen.
Weerarkaasi ayaa waxaa ka dhashay khasaaro dhimasho iyo dhaawacba leh oo aanan weli si rasmi ah loo xaqiijin waxaase wararku sheegayaan in khaaaraha badankiisa uu oo gaaray ciidamada Jubbaland ee la weeraray.
Dhawaanahanba ciiidamada Jubbaland gaar ahaan ciidamadan la weeraray saakay ayaa waxa ay wadeen qorshe ay shabaab kaga saarayaan deegaanada ay kaga harsan yihiin gobolka Jubbada Hoose.