Guddiga ganacsatada ee xaafadda Islii Magaalada Nairobi ayaa ku dhawaaqay mudaaharaad socon doona saddex maalmood kaasoo ay uga cabanayaan canshuurta ay dawladdu kordhisay.
Guddiga Ganacsatada oo manta shir jaraa’id qabtay ayaa sheegay in dawladdu ay xad dhaaf ah u kordhisay canshuurta labadii sano ee u dambaysay.
Guddiga ayaa sheegay in koonteenar 8,000 oo doolar lagu canshuuri jiray hadda laga dhigay 120,000 oo doolar taasina aysan macquul eheyn in canshuurta qaab noocaas ah loo kordhiyo.
Dhanka kale gudiga ayaa ku andacoonaya in aan lagala tashan canshuurahan cusub ee lagu soo kordhiyey maciishadooda wexeyna sheegeen in ay daruuri eheyd in lagala tashado canshuurahan cusub.