Guddoomiye ku xigeenka Golaha Shacabka Cabdiwali Ibraahin Muuday ayaa sheegay in warbixinta Guddiga Dastuurka ee maanta lasoo bandhigay in laga reebay maamulka Somaliland, islamarkaana inta Somaliland ay maqan tahay uusan noqon karin Mid saxan.
Muudey ayaa sheegay in Caqabadaha haysta Dastuurka Soomaaliya, ay ka mid tahay Somaliland in aan lagu xusin warbixinta, islamarkaana wax wada tashi ah aan lala sameynin.
Qaar ka mid ah Xildhibaanada Golaha Shacabka ee kasoo jeedda degaanada Somaliland ayaa si cara leh u sheegay in dastuurka yahay mid ku eg koonfurta Soomaaliya oo kaliya, inta Somaliland maqantahayna uusan noqon doonin Dastuurka sax ah.
Guddoomiyaha Guriga Dastuurka Soomaaliya Sanatar Cabdi Qaybdiid, ayaa u jawaabay waxa uuna sheegay in Dastuurka sax noqon doono marka loo qaado Afti shacab.