Qarax ayaa goor dhaweyd waxaa uu ka dhacay Wadada Maka Almukarama gaar ahaan inta u dhaxeysa Isgoyska Shaqaalaha iyo Xaaji Baasto kasoo horjeedka Hotelka Mubaarak ee Magalada Muqdisho
Qaraxa ayaa goobjoogayaal waxa ay sheegeen in uu yahay Gaari nooca raaxada ah oo lagu dhejiyey waxyaabaha qarxa, waxaana Sawiro laga soo qaaday la arkayey gaariga oo gubanaya isla markaana aysan weli suurta gelin in la demiyo.
Wararka kale aan heleyno ayaa ayagana waxaa ay sheegayaan in qaraxa uusan geysan khasaaro nafeed marka laga reebo burbur uu u geystay gawaari kale oo goobta yaallay, kuwaas oo dab qabsaday markii uu qaraxa dhacay.
Ciidamo ka tirsan Booliska Soomaaliya ayaa goobta gaaray, kuwaas oo xiray wadada soo gasha goobta uu qaraxa ka dhacay,waxana gaariga qarxay uu waxyeelo kale u geystay gawaari kale oo goobta yaallay.