Taliyaha guud ee howlgalka midowga Afirca AMISOM Tigabu Yilma iyo saraakiil la socta ayaa goor dhaw gaaray degmada Dhuusa-Mareeb ee xarunta u ah dowlad gobolleedka Galmudug.
Taliyaha waxaa garoonka diyaaradaha Dhuus-Mareeb ku soo dhaweeyay saraakiil ka tirsan dowladda Soomaaliya, waxaana loo gudbiyay xarunta looga arrimiyo Galmudug ee Dhuusa-Mareeb.
Taliyaha ayaa la sheegay in uu halkaasi kulan kulan qaatay wasiirka arimaha gudaha ee dowlada federalka ayadoo Sidoo kale la filayaa in uu kulan la qaato madaxda ugu sareysa Ahlu Sunna Waljameeca.
Safarka taliyaha ayaa kusoo beegmaya kadib khilaaf la sheegay in uu soo kala dhaxgalay madaxda Ahlu Sunna iyo dowladda federaalka, inkastoo Wasiirka arrimaha Gudaha uu sheegay in la xaliyay khilaafkii labada dhinac.