Madaxweyne ku xigeenka Jubbaland Maxamuud Sayid Aadan ayaa ka hadlay Ciidamo dhawaan sheegay in ay ka goosteen maamulka Jubbaland ayna ku biireen dowladda dhexe ee Soomaaliya.
Madaxweyne ku xigeenka ayaa xaqiijiyay jiritaanka cidammada baxsaday balse sheegay inaysan ahayn wax weyn.
210 askari oo ka tirsanaa ciidammada uu fadhigoodu yahay magaalada Beledxaawo ee gobolka Gedo, isla markaana hoostagta maamulka Jubbaland, ayaa la sheegay inay u goosteen dhinaca dowladda Federaalka ee Soomaaliya.
Xiriirka dowladda Federaalka iyo maamulka Jubbaland ayaa sii xumaanayay bilihii ugu dambeeyay, waxaana uu cirka isku sii shareeray markii doorasho natiijadeeda lagu murmay dib loogu soo doortay Axmed Maxamed Islaam (Axmed Madoobe).