Faah faahino dheeraad ah ayaa waxa ay ka soo baxayaan weerar cirka ah oo xalay diyaarad dagaal ay ka fulisay gobolka Sh/Hoose.
Duqeynta oo aheyd mid culus ayaa ka dhacday deegaano iyo tuulooyin hoos-yimaada degmada Awdheegle ee gobolkaasi.
Mid ka mid ah dadka degaanka oo la hadlay warbaahinta ayaa sheegay in duqeynta si gaar ah loola beegsaday deegaanada Ceel-Wareegow, Kali-Caafimaad iyo tuulooyinka hoostaga.
Wararka qaar ayaa sheegaya in meelaha la duqeeyey mararka qaar ay yimaadaan dagaalyahannada Al-Shabaab oo inta badan weeraro ku soo qaada gudaha degmada Awdheegle iyo degaano kale oo ka tirsan gobolka Shabeelaha Hoose ee K/ Soomaaliya.
Mareykanka ayaa had iyo jeer weerarada dhanka cirka ahka fuliya koonfurta Soomaaliya, walow uusan weli wax war ah ka soo saarin duqeyntaasi.