Dowladda Federaalka Soomaaliya ayaa ku guuleysatay in ay dalka dib loogu soo celiyo Muwaadiniin Soomaaliyeed oo muddo ku xayirnaa Dalka Iiraan, kuwaasi oo maanta soo gaaray magaalada Muqdisho.
Muwaadiniintaan Soomaaliyeed ayaa badankood waxaa ay muddo ku dhow laba Sano ku xirnaayeen Xabsiyo ku yaalla dalka Iiraan, hayeeshee markii lagu guuleystay siideyntooda ay u xayirnaayeen sababo la xiriira xayiraada la saaray duulimaadyada Caalamiga ah.
Dib u soo celinta Muwaadiniinta Soomaaliyeed ee ku xayirnaa dalka Iiraan ayaa Dowladda Soomaaliya waxaa ay u xil saaratay Ambasador Owliyo,waxaana Garoonka Diyaaradaha Aadan-Cadde kusoo dhaweeyay Mas’uuliyiin ka tirsan Dowladda Soomaaliya.
Dowladda Soomaaliya ayaa horay waxaa dalka ugu soo celisay muwaadiniin farabadan, kuwaas oo ku xirnaa Xabsiyo ku yaalla qaar kamid ah wadamada Caalamka,sida Itoobiya, Iiraan, Hindiya iyo dalal kale.