Dagaal geystey qasaaro isugu jirta dhimasho iyo dhaawac ayaa maanta waxaa uu ka dhacay deegaanka bariire oo ka tirsan degmada Awdheegle, Kaasoo u dhexeeyey Ciidamada Dowladda & Al-Shabaab.
Dagaalkan ayaa bilowdey sida la sheegay, kadib kolkii ay ciidamada alshabab weerar kusoo qaadeen saldhigyada Ciidamada Dowladda ee ku yiiley deegaanka bariire, waxaana halkaasi ka dhacay dagaal la isku adeegsaday hubka noocyadiisa kala duwan.
Wararka aynu ka heleyno deegaanka bariire ayaa intaasi ku daraya in Goobihii lagu dagaalamay ay gacanta ku hayaan Ciidamada Dowladda Soomaaliya, iyaga oo halkaasi ka wada howlgallo kala duwan.
Masuuliyiinta Ciidamada Milalteriga Somaaliya ee Gobolka Shabeellaha Hoose ayaan weli hadlin dagaalka ka dhacay degaanka Bariire & khasaaraha ka dhashay.