Warar aynu ka heleyno magalada muqdisho ayaa sheegaya in duhurnimadii maanta uu qarax ismiidaamin ah ka dhacay maqaaxi ku taala magalada muqdisho kaasoo judtiisa laga maqlayey gudaha magalada.
Maqaayada la qarxiyey ayaa ku taalla meel ku dhaw Iskool Boliisiyo Ee ah Xarunta Tababarka Ciidamada Booliska Soomaaliyeed Ee Degmada Xamar Jajab.
Warar ayaa sheegaya in qaraxa lagu bartilmaameedsaday Saraakiil katirsan Booliska oo Maqaaxidaasi kusugnaa, ciidanka Amniga ayaa goobta gaaray oo diiday isku socodka.
Si kastaba arintu ha ahaatee qaraxyada ka dhaca dalka ayaa inta badan waxaa ay waxyeelo kasoo gaartaa dadka shacabka oo aan waxba galabsan iyadoo hadana uu soo dhow yahay waqtigii kala guurka dalkana uu wajahayo carqalado badan.