Saacdihii la soo dhaafay ayaa waxaa roob xoogan ay ka da’ayeen magaalada Boosaaso ee Xarunta gobolka Bari, kuwaasi oo geystey qasaarooyin badan.
Roobabkani ayaa waxaa ay sababeen in wadooyin farabadan oo ku yaalla Boosaaso ay burburaan, sidoo kale waxaa dhacay qaar kamid ah baalayaasha korontada taas oo sababtay in muddo ku dhow 24 saac ay korontada ka maqan tahay magaaalada Boosaaso.
Qaar kamid ah Shacabka Magaalada Boosaaso ayaa waxaa ay sheegeen in roobka sidoo kale uu saameeyay Ganacsatada, isla markaana uu xirmay Suuqa weyn ee Magaalada Boosaaso, sidoo kale wadooyinka qaar ay biyo xireen.
Degaano kale oo ku yaalla Bariga Magaalada Boosaaso ayaa sidoo kale roobta uu ka da’ay, waxaana kamid ah degmada Xaafuun oo ay ku geeriyoodeen 6 kalluumeysato u dhashay dalka Yemen.