Hanti dhowraha Guud ee Qaranka Maxamed Maxamuud Afgooye ayaa sheegay in Xafiiska Hanti dhowrka uu ballaarinayo howlaha lagu baarayo xafiisyada dowladda & dowlad goboledyada.
Waxaa uu sheegay in Xafiiska Hanti dhowrka Guud ee Qaranka & kuwa dowlad goboleedyada ay qaadanayaan Shaqaale oo tababarayo baaris maaliyeed oo la xiriira dhinaca musuq maasuqa.
Waxaa uu sheegay inay waajib tahay in sanad walba la helo natiijo baarised lagu kalsoonaan karo oo lagu xisaabiyo nidaamka maaliyadda Qaranka.
Ugu dambeyn Hanti dhowraha Guud ee Qaranka Maxamed Maxamuud Afgooye ayaa sheegay in xoojinayo kor u qaadida isla xisaabtanka dhanka Maaliyadda dalka si loo gaaro nidaam maamul oo dowlad wanaag ku dhisan.