Wararka ka imanaya gobolka Baay ayaa sheegay in howlgal saacidihii ugu danbeeyay ay sameeyeen ciidamada Koomaandooska Guutada 16aad ee DANAB ku burburiyeen xarumo waaweyn oo ay lahaayeen xoogagga Ururka Al-shabaab.
Saraakiisha ciidamada ayaa sheegay howlgalkan ay ku qabteen xubno ka tirsan Ururka Al-shabaab iyo agab ay lahaayeen sida mootooyin ay u isticmali jireen weerarrada iyo dilalka qorsheysan.
Ciidamada ayaa howlgalkan gaar ahaan ka fuliyay deegaanno ay ka mid yihiin Buur Heybe, Jiira Koolow, Durdurow, saax-weyn iyo Yaaq-doomaar, kuwaasoo hoos-taga degmada Buurhabaka.