Madaxweynaha Maamul Gobolleedka Galmudug Axmed Cabdi Kaariye QoorQoor oo kulan la qaatay madaxweynaha Soomaaliya Maxamed Cabdullaahi Farmaajo waxaa ay ka wada hadleen khilaafka wali ka taaggan qabsoomida doorashada dalka.
Madaxweynaha Maamul Gobolleedka Galmudug ayaa toddobadyadii ugu danbeeyayba u muuqda in uu isku soo dhaweynayo madaxtooyada Soomaaliya iyo dhinacyada kale ee diidan doorashada gaar ahaan madaxweynaha dowlad gobolleedka Jubbaland Axmed Maxamed Islaam [Axmed Madoobe’]
Madaxweyne Farmaajo ayaa horrey kulan kan la mid ah waxaa uu ula qaatay Cabdicasiis Xassan Maxamed Laftagareen oo ay isla soo qaadeen in Koonfur Galbeed bilowdo doorashada xubnaha Aqalka sare, waxaana isla maalintii shalay gaaray magaalada Baydhabo xubno ka tirsan guddiga doorashada.