Ergeyga Gaarka ah ee Wasaaradda Arrimaha Dibadda Qatar Dr. Mutlaq Al-Qahtani ayaa la kulmi doono Madaxweynayaasha Maamul Goboleedyada Galmudug, Hirshabelle iyo koonfur galbeed.
Wafdiga Qatar ayaa Madaxda Maamul Goboleedyada kala hadli doona Arrimo la xiriira doorashada Soomaaliya iyo caqabadaha weli hortaagan qabsoomideeda.
Al-Qahtani ayaa kulamo gaar gaar la yeeshay Mas’uuliyiinta Dowladda Federaalka, sida Ra’iisul Wasaaraha, Gudoomiyeyaasha labada Aqal iyo Madaxweyne Farmaajo, inkastoo kulankaas la qariyay, iyo Midowga Musharixiinta.
Wararka la helay ayaa waxaa ay sheegayaan in Madaxweynayaasha Puntland iyo Jubbaland ay uga cudur daarteen inay Muqdisho ugu yimaadaan Wafdiga Qatar.