Dowladda Federaalka ah ee Soomaaliya ayaa waxaa ay si kulul u cambaareeysay qaraxyo xoogan oo ka dhacay Gudaha Magaalada Kaabuul ee dalka Afgaanistaan, kuwaas oo lagu dilay Arday farabadan, xilli ay Iskuul kasoo baxeen.
Qoraal kasoo baxay Dowladda Soomaaliya ayaa waxaa lagu sheegay in qaraxyadaas ay ahaayeen kuwo Argagaxiso ayna aad uga xun yihin, sidoo kale ay garab taagan yihiin murugadana la qaybsanaynaan shacabka iyo Dowladda Afgaanistaan.
Majirto cid weli sheegatay mas’uuliyadda qaraxyada lagu dilay ardayda farabadan ee ka dhacay dalka Afgaanistaan, waxaana sidoo kale cambaareeyay Kooxda Taaliban oo inta badan weerarada qaraxyada ah ka fulisa dalka Afgaanistaan.
Saraakiisha dalka Afghanistan ayaa dhankooda waxaa ay sheegaeen in ugu yaraan 25 qof lagu dilay in ka badan 50 kalana lagu dhaawacay qaraxyada ka dhacay meel u dhow iskuul ku yaalla caasimada Afghanistan ee Kabuul.