Dagaalka oo u dhaxeeyay Ciidamo ka tirsan kuwa Booliska Koonfur Galbeed iyo Xubno ka tirsan Ururka Al-Shabaab ayaa xalay waxaa uu ka dhacay Magaalada Baydhabo ee Xarunta Gobolka Baay.
Dagaalka ayaa waxaa uu ka dambeeyay kadib markii rag ka tirsan Al-Shabaab ay weerareen Saldhig Ciidamada Booliska ku leeyihiin Xaafada Suuqa Xoolaha ee Magaalada Baydhabo, waxaana halkaas ka dhacay dagaal qaatay in ka badan 30 daqiiqo.
Qaar ka tirsan dadka deegaanka oo la hadley warbaahinta ayaa sheegay in dagaalka uu khasaaro kasoo gaaray labada dhinac ee halkaasi ku dagaalamay.
Saraakiil katirsan Ciidamada Booliska Koonfur Galbeed ayaa waxaa ay sheegeen inay iska difaaceen weerarka kaga yimid dhinaca Al-Shabaab, isla markaana khasaaro ay ku gaarsiiyeen dagaal kooban oo ay la galeen.