Xilli wadanka Imaaraadka Carabta uu ka soconayo shirweynaha Shidaalka Afrika ayna ka qeybgalayaan Wefdi ka socda Dowladda Federaalka Soomaaliya ayaa Puntland waxa ay qaadacday fulinta sharciga Shidaalka Soomaaliya isla markaana waxa ay sheegtay aysan qeyb ka ahayn wixii kasoo baxa shirka.
Puntland ayaa uga digtay Dowladda Federaalka wakhtigeedu idlaaday in ay gasho heshiisyo shidaal kuwaasoo ay sheegtay in aanay waafaqsanayn sharciga ee lagu xaraashayo kheyraadka dalka.
Waxay sidoo kale uga digtay shirkadaha caalamiga ah shidaalka in ay heshiis shidaal la galaan Dowladda uu wakhtigeedu dhamaaday ee Federaalka Soomaaliya.
