Wasiirka Wasaaradda Batroolka iyo Macdanta Xukuumadda Federaalka Soomaaliya Mudane Cabdirisaq Cumar Maxamed ayaa ku guuleystay toosinta iyo dhammeystirka heshiiska wadaagga waxa soosaarka Shidaalka ee dowladda federaalka Soomaaliya la gashay Shirkadda Coastline Exploration.
Madaxweynaha Jamhuuriyadda Federalka Soomaaliya Mudane Xasan Sheekh Maxamuud ayaa soo dhaweeyay toosinta iyo dhammaystirka heshiisyada wadaagga wax soosaarka shidaalka,
Munaasabadda toosinta iyo dhammaystirka heshiisyada waxaa goobjoog ka ahaa mas’uuliyiin ay ka mid yihiin: Wasiirka Arrimaha Dibadda iyo Iskaashiga Caalamiga ah, Wasiiru dowlaha Wasaaradda Batroolka iyo Macdanta, Ergayga gaarka Madaxweynaha ee arrimaha ganacsiga caalamiga ah, mas’uuliyiin ka tirsan Hey’adda Batroolka Soomaaliyeed iyo maamulka Shirkadda Coastline Exploration.
Wasaaradda Batroolka iyo Macdanta Xukuumadda Federaalka Soomaaliya waxaa ka go’an kobaca dhaqaalaha dalka iyo in dadka Soomaaliyeed ay ka baxaan saboolnimad una gudbaan horumar iyo isku fillaasho buuxda.