Ciidanka Jubaland oo garab ka helaya Ciidanka Xoogga Dalka ayaa maalmahan waxa ay howlgallo ka wadeen deegaannada galbeedka Kismaayo iyagoo la wareegay deegaanno ay horey uga talin jireen maleeshiyada Al-Shabaab.
Howlgalka oo ka billaawday degaanka Janaay Cabdalle ayaa Ciidamadu kula wareegeen degaannada, Kooya, Yaaqdabeyl iyo Qudus, halkaas oo muddo badan ay gacanta ku hayeen Xubno katirsan Ururka Al-Shabaab.
Saraakiisha Ciidamada Jubbaland ee howlgallada hoggaaminaya ayaa sheegay inay weli sii socdaan howlgallada, isla markaana qorshahoda uu yahay in dhammaan degaannada iyo degmooyinka Jubbaland laga saaro Al-Shabaab.