Wefdi uu hogaaminaayo Xoghayaha guud ee Qaramada Midoobay António Guterres ayaa goordhaw soo gaaray magaalada Muqdisho ee Caasimadda Soomaaliya.
Wafdiga Xoghayaha guud ee Qaramada Midoobay António Guterres ayaa waxaa garoonka diyaaradaha Aadan Cadde ku soo dhaweeyey masuuliyiin ka tirsan dowlada Soomaaliya oo uu ka mid yahay Wasiirka arrimaha Dibadda iyo iskaashiga Caalamiga ah Abshir Cumar Jaamac Huruuse.
Wafidigaan uu hoggaaminaayo António Guterres ayaa loo xiray qaar ka mid ah wadooyinka ugu muhiimsan magaalada Muqdisho, waxaana lagu wadaa inta uu ku sugan yahay gudaha magaalada Muqdisho inuu kulamo la qaato madaxda ugu sareysa ee dalka iyo waliba Wakiilada beesha Caalamka.
Booqashada Xoghayaha guud ee Qaramada Midoobay António Guterres uu saakay ku yimid Muqdisho ayaa noqoneysa markii labaad ee António Guterres uu booqasho ku yimaado gudaha Soomaaliya.