Wararka naga soo gaaraya gobolka Shabeelaha Hoose ayaa sheegaya in maanta ciidamada Xoogga dalka iyo kuwa Daraawiishta Koonfur Galbeed ay weerar culus ku qaadeen Shabaabka ku sugan aagga degmada Qoryooley ee gobolkaas.
Ciidamada is garabsanaya ayaa weerarkooda ku beegsaday tuulooyin hoos yimaada degmadaas oo ay ku sugnaayeen xubno ka tirsan kooxda Al-Shabaab.
Taliyaha Ciidanka Daraawiishta Koonfur Galbeed ee degmada Qoryooley oo la hadlay warbaahinta dowladda ayaa sheegay in howlgalkaas ay ku gaareen deegaano horleh.
Sidoo kale waxa uu tilmaamay in guullo waa weyn ay ka gaareen weerarkaasi, ayna ku dileen ugu yaraan saddex xubnood oo ka tirsanaa maleeshiyada kooxda Al-Shabaab.
Waxaa kale oo uu intaasi kusii daray in goobaha lagu dagaalamay ay ku sugan yihiin ciidamada dolwadda iyo kuwa Koonfur Galbeed, ayna sii wadi doonaan howlgallada.