Xildhibaano katirsan Baarlamaanka Soomaaliya ayaa si kulul u canbaareeyay go’aannada lagu xayiray duulimaadyada rayidka ah ee Doolow, kuwaas oo ay sheegeen in ay ka hor imaanayaan shuruucda dalka iyo axdiyada caalamiga ah.
War-saxaafadeed ay soo saareen xildhibaanndan, ayaa lagu sheegay in go’aanka hay’adda duulista uu yahay mid si cad uga soo horjeeda qodobbada 61aad, 69aad iyo 21aad ee Dastuurka KMG ah ee Soomaaliya.
Qodobbadaas ayaa si cad u damaanad qaadaya xorriyadda isu-socodka muwaadiniinta Soomaaliyeed iyo waajibaadka hay’adaha dowladda ee ilaalinta xuquuqdaas.
